Türkiyə Prezidenti Rəcəb Tayyib Ərdoğan Niger Prezidenti Abdurahman Çiani ilə telefon danışığı aparıb.

Operativ Media xəbər verir, telefon danışığı zamanı Türkiyə ilə Niger arasında ikitərəfli münasibətlər və regional məsələlər müzakirə olunub.

Ərdoğan Türkiyənin Nigerlə əlaqələrin inkişafına xüsusi önəm verdiyini vurğulayıb.

O bildirib ki, Türkiyə bütün sahələrdə Nigerin yanında olmağa davam edəcək.

Prezident həmçinin enerji, mədənçilik və müdafiə sahələri başda olmaqla bir çox istiqamətdə əməkdaşlığın gücləndiriləcəyini qeyd edib.