Lənkəranda piyada ölümü ilə nəticələnən yol qəza hadisəsi baş verib.

"Operativ Media" xəbər verir ki, hadisə rayonun Sütəmurdov kəndi ərazisində qeydə alınıb.

"Mersedes Benz" markalı minik avtomobili Astara istiqamətində hərəkətdə olarkən, idarəetməni itirərək piyada 1969-cu il təvəllüdlü Rəvanə İsrafil qızı Bayayevanı vurub.

Sonra avtomobil yaxınlıqdakı elektrik dirəyinə çırpılaraq dayanıb.

Piyada hadisə yerindəcə dünyasını dəyişib. Meyit müayinə olunmaq üçün Məhkəmə Tibbi Ekspertiza və Patoloji Anatomiya Birliyinin Lənkəran rayon şöbəsinə aparılıb.

Hadisəni törədən sürücü saxlanılıb. Faktla bağlı Lənkəran rayon polis şöbəsində araşdırma aparılır.