Azərbaycan gənc taekvondoçuları dünya birinciliyi üçün Daşkəndə yola düşüb

Aprelin 12–17-də Özbəkistanın paytaxtı Daşkənd şəhərində taekvondo üzrə gənclər arasında dünya birinciliyi keçiriləcək.

Operativ Media xəbər verir ki, yarışda ölkəmizi 15 taekvondoçu (10 oğlan və 5 qız) təmsil edəcək. Bu gün gənc taekvondoçularımız milli komandanın məşqçiləri Elnur Amanov, Fəridə Əzizova və Ayxan Tağızadənin rəhbərliyi altında Daşkənd şəhərinə yola düşüblər.

Qeyd edək ki, beynəlxalq dərəcəli referimiz Aygül Abdullayeva dünya birinciliyində ölkəmizi hakim kimi təmsil edəcək.