"Bavariya" Manuel Noyerin əvəzləyicisini Almaniyada tapdı

"Bavariya" klubu 40 yaşlı Manuel Noyeri əvəz etmək üçün əsas namizədini müəyyənləşdirib. Münhenlilər "Borussiya Dortmund"un 28 yaşlı qapıçısı Qreqor Kobeli transfer siyahısının ilk sırasına yerləşdiriblər.

Operativ Media xəbər verir ki, bu haqda "FootMercato" məlumat yayıb.

Lakin isveçrəli qolkiper üçün mübarizə asan keçməyəcək. Belə ki, İngiltərənin "Çelsi" və "Nyukasl" klubları da Dortmund təmsilçisinin ulduzunu heyətinə qatmaq üçün hərəkətə keçib. Bu maraqdan sonra Kobel uğrunda rəqabətin daha da kəskinləşəcəyi gözlənilir.

"Transfermarkt" portalı isveçrəli qapıçının bazar dəyərini 40 milyon avro qiymətləndirir.