Azərbaycana səfərdə olarkən yol qəzası keçirən Türkiyənin Ədalət və İnkişaf Partiyası sədrinin müavini Binəli Yıldırım, millət vəkili Şamil Ayrım və mühafizəçi Oğuzhan Dəmirçi İstanbuldadır.

***

(14:15)Azərbaycana səfərdə olarkən yol qəzası keçirən Türkiyənin Ədalət və İnkişaf Partiyası sədrinin müavini Binəli Yıldırım, millət vəkili Şamil Ayrım və mühafizəçi Oğuzhan Dəmirçi Türkiyəyə yola salınıblar.

"Operativ Media" xəbər verir ki, bu barədə Türkiyə səfiri Cahit Bağçı "Twitter"də bildirib.

“Cənab Prezident İlham Əliyev cənab başqan Binəli Yıldırım, Şamil Ayrım bəyi və mühafizəçi Oğuzhan qardaşımızı xəstəxanada ziyarət edib. Yaxından maraqlandığı üçün cənab Prezidentə çox təşəkkür edirik. Var olsun! Onların səhhəti yaxşıdır. Türkiyəyə yola saldıq”, - səfir əlavə edib.

***

(13:59)Azərbaycanda yol qəzası keçirən AK partiyanın sədr müavini Binəli Yıldırım, millət vəkili Şamil Ayrım və mühafizəçi Oğuzhan Dəmirçi ambulans təyyarə ilə Türkiyəyə qayıdacaqlar.

"Operativ Media" xəbər verir ki, bunu AKP sözçüsü Ömər Çelik "Twitter"də bildirib.

Ömər Çelik onların səhhətlərinin yaxşı olduğunu qeyd edib.