Azərbaycan Respublikasının birinci xanımı Mehriban Əliyeva iyulun 31-də Çolpon-Ata şəhərində Qırğız Respublikasının birinci xanımı Ayqul Japarova və Özbəkistan Respublikasının birinci xanımı Ziroatxon Mirziyoyeva ilə birlikdə “Altın-Balalık” sağlamlıq və reabilitasiya mərkəzi ilə tanış olub.

Operativ Media xəbər verir ki, “Altın-Balalıq” sağlamlıq və reabilitasiya mərkəzi 2022-ci ilin mayından fəaliyyət göstərir. Müəssisənin əsas məqsədi uşaqlara yüksəkkeyfiyyətli tibbi-reabilitasiya xidməti göstərmək və onların istirahətini təmin etməkdir.

Mərkəzdə 800 çarpayılıq 136 otaq var. Hər il yay tətili dövrü Qırğızıstanın bütün bölgələrindən və qonşu ölkələrdən 8 min-8 min 500 uşaq burada fəaliyyət göstərən yay düşərgəsində istirahət edir. Mərkəz hər ilin sentyabrından isə növbəti ilin iyununadək reabilitasiya üçün əlilliyi olan uşaqları qəbul edir.



13:42

Özbəkistan, Qırğızıstan və Azərbaycanın birinci xanımları İssık-Kuldakı "Altın Balalıq" reabilitasiya mərkəzini ziyarət ediblər.

Operativ Media xəbər verir ki, səfər zamanı Ziroat Mirziyoyeva, Aygül Japarova və Mehriban Əliyeva mərkəzin fəaliyyəti, burada şagirdlər üçün təşkil edilən ustad dərsləri ilə tanış olub, uşaqlarla söhbət ediblər.

Yüksək səviyyəli qonaqların şərəfinə “Şattik” milli rəqs ansamblı və gənc komuz ansamblı çıxış edib. Həmçinin, “Aqilman” İstedadlı Uşaqlar üçün Prezident Liseyinin şagirdləri tərəfindən gil və keçə sənətkarlıq sərgisi təqdim olunub.

Bundan sonra qonaqlar sahil ərazisini və Qırğızıstan Respublikasında keçirilən beynəlxalq uşaq incəsənət müsabiqələrinin qaliblərinin, o cümlədən Özbəkistandan olan gənc rəssamların əsərlərinin nümayiş olunduğu incəsənət qalereyasını gəzdilər.

Proqramda həmçinin Özbəkistan, Qırğızıstan və Azərbaycan xalqları arasında dostluğun simvolu olan "Dostluq Ağacı" adlı keçə panelinə son dekorativ elementin yerləşdirilməsi mərasimi də yer almışdır.