"Formula 1": "Red Bull" pilotu İzak Hadjar İtaliya Qran-prisini buraxacaq

Avstriyanın "Red Bull" komandasının fransalı pilotu İzak Hadjar "Formula 1" üzrə İtaliya Qran-prisində iştirak etməyəcək.

Operativ Media xəbər verir ki, bu barədə "Formula 1"-in mətbuat xidməti məlumat yayıb.

İzak Hadjar məşqlərdən birində zədələnib. Bu səbəbdən o, əvvəlki mərhələ olan Niderland Qran-prisini də buraxıb. Hadjarın yerinə yenidən Yeni Zelandiyadan olan Liam Louson çıxış edəcək.

Fransalı pilot cari mövsümdə 68 xal toplayıb və pilotların şəxsi sıralamasında 8-ci pillədə qərarlaşıb.

Qeyd edək ki, İtaliya Qran-prisi sentyabrın 4-dən 6-dək keçiriləcək.