Azərbaycan kikboksçusu Dünya Kubokunda qızıl medal qazanıb

Azərbaycan kikboksçusu Həsən Allahyarov Macarıstanın paytaxtı Budapeştdə keçirilən WAKO Dünya Kubokunda uğurlu nəticə göstərib.

Operativ Media xəbər verir ki, yeniyetmələr arasında LK (Low Kick) üzrə 71 kiloqram çəki dərəcəsində mübarizə aparan idmançı bütün rəqiblərinə qalib gələrək qızıl medal qazanıb.

Qeyd edək ki, yarış 27-31 avqust tarixlərində təşkil edilib.