Azərbaycan paraüzgüçüləri Avropa çempionatında mübarizə aparacaq

7-12 sentyabr tarixlərində Türkiyənin Kocaeli şəhərində paraüzgüçülük üzrə Avropa çempionatı keçiriləcək.

Operativ Media xəbər verir ki, Azərbaycanı qitə çempionatında S12 kateqoriyasında Raman Salei, S10 kateqoriyasında isə yeniyetmə paraüzgüçü Əli Vəliyev təmsil edəcək.

İdmançılarımız yarışda məşqçilər Faiq Əsgərov və Fyodor Kirillovun rəhbərliyi altında mübarizə aparacaqlar.