“Vest Hem”in və Çexoslovakiya millisinin sabiq qapıçısı vəfat edib

“Vest Hem” və Çexoslovakiya millisinin sabiq qapıçısı Ludek Mikloşko 65 yaşında vəfat edib.

Operativ Media xəbər verir ki, bu barədə London klubunun mətbuat xidməti məlumat yayıb.

Mikloşko 2024-cü ilin dekabrında onkoloji xəstəliklə mübarizə apardığını açıqlamış və müalicədən imtina etmək qərarına gəldiyini bildirmişdi.

O, 1990–1998-ci illərdə “Vest Hem”in formasını geyinib. Mikloşko karyerası ərzində Çexiyanın “Banik” və “Qvezda” klublarında, həmçinin “Kuins Park Reyncers”də çıxış edib.

Sabiq qapıçı Çexoslovakiya millisində 40, Çexiya yığmasında isə 2 oyun keçirib.

Mikloşko futbolçu karyerasını başa vurduqdan sonra 2001–2010-cu illərdə “Vest Hem”in məşqçilər korpusunda çalışıb.