"Qarbağ"ın futbolçusu millidə zədələnib

"Qarabağ"ın futbolçusu Renaldo Sefas yenidən zədələnib.

Operativ Media xəbər verir ki, hazırda Yamayka millisinin düşərgəsində olan vinger KONKAKAF Millətlər Liqasında Hondurasla matçda ayağından zədələnib. O, görüşün 12-ci dəqiqəsində əvəzlənib. Bundan 2 dəqiqə sonra qol vuran qonaqlar minimal hesabla qalib gəlib.

Sefasın zədəsinin ciddiliyinə tibbi müayinədən sonra aydınlıq gələcək.

Xatırladaq ki, vinger 4 gün öncə Yamaykanın Qvatemalanı məğlub etdiyi matçda (3:2) qol vurmuşdu. İndi onun komandası 6 komandalı qrupda 4-cü sıradadır