Niderland ukraynalı hərbçilərin təliminin genişləndirilməsi üçün 10 milyon avro ayıracaq

Niderlandda hərbçilərin hazırlıq miqyasını genişləndirmək məqsədilə Ukraynada təlim infrastrukturunun inkişafına 10 milyon avro ayrılacaq.

Operativ Media xəbər verir ki, bu barədə krallığın müdafiə naziri Dilan Yeşilgöz-Zegerius bəyan edib.

"Bu gün biz Ukraynadakı təlim obyektlərinə 10 milyon avro ayrılacağını elan edəcəyik", — deyə o, Brüsseldə Aİ ölkələrinin hərbi idarə rəhbərlərinin görüşünə gələrkən jurnalistlərə bildirib.

Onun sözlərinə görə, əlavə maliyyələşdirmə hazırlıq keçən ukraynalı hərbçilərin sayını artırmağa imkan verəcək.

Nazir həmçinin xatırladıb ki, Niderland müttəfiqləri ilə birlikdə artıq Ukrayna Silahlı Qüvvələrinin 100 minə yaxın əsgər və zabitinin hazırlanmasında iştirak edib.