2032-ci il Olimpiya və Paralimpiya Oyunlarının loqoları təqdim olunub

2032-ci ildə Avstraliyada keçiriləcək Yay Olimpiya və Paralimpiya Oyunlarının rəsmi loqoları təqdim olunub.

Operativ Media xəbər verir ki, təqdimat mərasimi olimpiadanın təşkil olunacağı Brisben şəhərində baş tutub.

Avstraliyaya xas kakadu quşundan ilhamlanan dizayn olimpiya və paralimpiya məşəlini, eyni zamanda ev sahibi Kvinslendin özünəməxsus ruhunu əks etdirir.

Xatırladaq ki, 2028-ci ildə analoji yarış ABŞ-nin Los Anceles şəhərində təşkil olunacaq.