XİN CİCA tərəfdaşlarını təbrik edib

Azərbaycan Xarici İşlər Nazirliyi CICA Günü münasibətilə Asiyada Qarşılıqlı Fəaliyyət və Etimad Tədbirləri üzrə Müşavirənin (CICA) bütün üzv dövlətlərini və tərəfdaşlarını təbrik edib.

Operativ Media xəbər verir ki, bu barədə nazirlik sosial media hesabında paylaşım edib.

"Azərbaycan CICA-nın Asiya miqyasında dialoqun, qarşılıqlı etimadın və əməkdaşlığın təşviq edilməsindəki unikal rolunu yüksək qiymətləndirir.

CICA-ya sədrlik edən Azərbaycan "Daha güclü CICA: Asiyada əlaqəlilik, rəqəmsallaşma və dayanıqlı artım" şüarı altında təşkilatın məqsədlərinin irəlilədilməsinə sadiqliyini bir daha təsdiqləyir", - paylaşımda qeyd edilib.