Azərbaycanlı FİFA referisinin idarə etdiyi matçda Ermənistan məğlub olub

Azərbaycanlı FİFA referisi Fəridə Lütfəliyevanın idarə etdiyi oyunda İrlandiyanın qadınlardan ibarət U-19 komandası ermənistanlı həmkarlarını 11:0 hesabı ilə məğlub edib.

Operativ Media xəbər verir ki, görüş Avropa çempionatının seçmə mərhələsində çərçivəsində baş tutub.

Bu matçda digər hakimimiz Gülnurə Əkbərzadə yan xətt hakimi kimi iştirak edib. Digər yan xətt hakimi bolqarıstandan Teya Aleksieva, 4-cü hakim isə Valeria Petrova olub 

Qeyd edək ki, oyunun əsas hakimi Fəridə Lütfəliyeva 90 dəqiqə ərzində cəmi bir dəfə sarı vərəqə göstərib. O, Ermənistan millisinin üzvünü cəzalandırıb.