“Bavariya” Harri Keynlə müqaviləni uzatmağa yaxındır

“Bavariya” klubunun baş direktoru Yan-Kristian Drezen hücumçu Harri Keynlə müqavilənin uzadılması istiqamətində danışıqların yekunlaşmaq üzrə olduğunu bildirib.

Operativ Media xəbər verir ki, Drezen “Kicker” nəşrinə açıqlamasında müqavilənin detalları üzərində işlərin davam etdiyini deyib. Onun sözlərinə görə, tərəflər “Qızıl top” mükafatlandırma mərasimindən əvvəl bütün əsas məsələləri müzakirə edərək razılığa gəliblər.

Klub rəsmisi hüquqşünasların müqavilə ilə bağlı dəqiqləşdirmələr apardığını və bunun bir neçə gün çəkə biləcəyini qeyd edib. O, hər iki tərəfin əməkdaşlığı mümkün qədər uzun müddətə davam etdirmək istədiyini vurğulayıb.

Drezən 33 yaşlı ingiltərəli futbolçunun maraqlarını təmsil edən atası və qardaşı ilə danışıqların 2023-cü ildə “Tottenhem”dən “Bavariya”ya transferi zamanı olduğu kimi intensiv keçdiyini də bildirib.

Keynin hazırkı müqaviləsinin müddəti cari mövsümün sonunda başa çatır. İngiltərəli hücumçu oktyabrın 26-da “Qızıl top” mükafatına layiq görülüb. O, 2001-ci ildə Maykl Ovendən sonra bu mükafatı qazanan ilk ingiltərəli futbolçu olub.

Harri Keyn 2023-cü ilin avqustundan Münhen təmsilçisində çıxış edir. O, 2026/27 mövsümündə keçirdiyi 12 oyunda 10 qol vurub və 7 məhsuldar ötürmə verib.

Transfermarkt portalı futbolçunun bazar dəyərini 60 milyon avro qiymətləndirir.