“Komo” 55 illik rekordu təkrarlayıb

İtaliyanın “Komo” klubu UEFA Çempionlar Liqasının Liqa mərhələsinin IV turunda Fransada “Lans”ı 9:1 hesabı ilə darmadağın edərək avrokuboklar tarixində nadir uğura imza atıb.

Operativ Media xəbər verir ki, “Komo” 1971-ci ildən bəri avrokuboklarda səfər matçında 9 qol vuran ikinci komanda olub.

Bundan əvvəl bu göstəriciyə 1971-ci ilin sentyabrında Kiprin “Olimpiakos” (Nikosiya) klubunu 9:0 hesabı ilə məğlub edən Niderlandın “Feyenoord” komandası nail olub.

“Lans” isə 1:9 hesablı məğlubiyyətlə arzuolunmaz rekorda imza atıb. Fransa təmsilçisi avrokuboklar tarixində öz meydanında bir oyunda 9 qol buraxan ilk beş aparıcı Avropa liqasının klubuna çevrilib.