İran öz vətəndaşlarını Fransaya səfər etməməyə çağırıb

İran Xarici İşlər Nazirliyinin sözçüsü Nasir Kənani Fransa hökuməti və polisini zorakılıqdan çəkinməyə və etirazçıların tələblərinə diqqət yetirməyə çağırıb.

"Operativ Media" "İRNA"ya istinadən xəbər verir ki, Kənani həmvətənlərinə Fransaya səfərdən çəkinməyi tövsiyə edib. 

“İmmiqrantlara qarşı ayrı-seçkilik və bəzi Avropa ölkələrinin onlara qarşı pis davranışı Avropa vətəndaşları, o cümlədən Fransa üçün əlverişsiz mühit yaradıb. Gözlənilir ki, Fransa hökuməti insan ləyaqəti, söz azadlığı və vətəndaşların dinc etiraz hüququ prinsiplərinə hörmət edərək öz xalqına qarşı pis münasibətə son qoyacaq”, - iranlı diplomat bildirib.

O, Fransada yaşayan iranlıları hərəkətə keçməkdən və etiraz yerlərinə getməməyə çağırıb.