Rusiya və İran xarici işlər nazirləri arasında telefon danışığı olub

İyulun 8-də İran tərəfinin təşəbbüsü ilə Rusiya Federasiyasının xarici işlər naziri Sergey Lavrov və İran İslam Respublikasının xarici işlər naziri Hüseyn Əmirabdollahian arasında telefon danışığı olub.

"Operativ Media" xəbər verir ki, bu barədə Rusiya XİN məlumat yayıb.

Rusiya-İran gündəliyinin aktual məsələləri müzakirə edilib. Qarşılıqlı maraq doğuran bir sıra regional və beynəlxalq mövzular üzrə məxfi fikir mübadiləsi aparılıb.

Tərəflər dövlətlərin suverenliyinə və ərazi bütövlüyünə hörmət də daxil olmaqla, BMT Nizamnaməsində təsbit edilmiş beynəlxalq hüququn fundamental prinsiplərinə tam və qarşılıqlı əlaqədə sadiq olduqlarını bir daha təsdiq ediblər.