"Hesab edirəm ki, razılaşma böyük ölçüdə həll olunub. Sadəcə seperatçılarla bağlı hissə açıq qalıb"-bunu "Operativ Media" ya açıqlamasında beynəlxalq münasibətlər üzrə ekspert Əziz Əlibəyli bildirib.
Ekspertin sözlərinə görə, XİN başçılarının görüşü növbəti mərhələ üçün bir gedişdir. Ermənistanın daxilində baş verənlər isə sülh prosesinə təsir edə bilməz.
"Siz də görürsünüz ki, artıq neçə gündür seperatçı rejiminin parlamenti, onların rəhbərləri, Ermənistanla seperatçılar arasında baş verən qarşıdurma, Paşinyanın son açıqlamaları, bütövlükdə, yeni təxribat əməllərinin hazırlanmasına yönəlik mesajların verilməsi bu görüşün dialoq sonrası baş verən yan effektləridir. Və əlbəttəki, hansısa xüsusi səbəb yoxdur ki, onlar sülh müqaviləsinin bağlanmasının qarşısını alsın. Sadəcə burada sülh müqaviləsi bağlanmalsına yönəlik dövlətlərin iradəsi məsələsi önə çıxır. Ermənistan hazırdırmı bu iradəni sərgiləməyə yoxsa, Azərbaycan növbəti dəfə yekun sülhün əldə olunmasını silah iradəsinin tətbiq yolu ilə həyata keçirəcək".
Əziz Əlibəylinin fikrincə Ermənistan tərəfinin son addımı da əslinə təxribatdır.
"Bu ciddi bir məsələdir. Mənə elə gəlir ki, bu gün 400 tonluq humanitar yükün İrəvandan Laçın keçid məntəqəsinə doğru gəlməsi və bu proses müstəvisində Azərbaycanın atacağı addım daha həlledicidir. Yəni biz burda görəcəyik ki, Azərbaycan Qarabağdakı seperatçılarla bağlı yekun icra prosesini həyata keçirsə, Ermənistanın da vəziyyəti yüngülləşər. Bütövlükdə müqavilə imzalanmasına yönəlik xüsusi bir maneə, xüsusi bir səbəb yoxdur".