Şənbə gecəsi on minlərlə sakinin məhkəmə islahatına etiraz etdiyi İsraili kütləvi mitinqlərin yeni dalğası bürüyüb.

"Operativ Media" xəbər verir ki, ən böyük mitinq ənənəvi olaraq Tel-Əvivdə keçirilib. 

Etirazçılar əvvəllər olduğu kimi şəhərin şərq hissəsindəki hökumət binalarının yaxınlığında toplaşıblar.

Mübahisəli islahat İsrail Ali Məhkəməsinin səlahiyyətlərini məhdudlaşdıracaq. Belə ki, məhkəmə bu günə qədər hüquqi cəhətdən əsassız hesab edilən istənilən hökumət qərarını bloklamaq səlahiyyətinə malikdir. Yeni islahat ilə Ali Məhkəmənin bu hüququnun götürülməsi hədəflənib.