“YouTube”a yeni funksiya gəlir, mahnını oxumaqla tapmaq olacaq

“YouTube” videoservisi istifadəçilərə mahnının sadəcə bir hissəsini oxumaqla platformada axtarış aparmağa imkan verəcək yeni funksiyanı sınaqdan keçirir. 

“Operativ Media” xəbər verir ki, bu funksiya hazırda məhdud sayda Android tətbiqi istifadəçiləri üçün əlçatandır.

“YouTube”, “Shazam” tətbiqində olduğu kimi, mahnının canlı insan ifası və ya digər cihazlarda səsyazmasının səsləndirilməsi ilə onu tanıya biləcək.

YouTube həmçinin istifadəçilərə videoya baxmadan qısa mətn təsvirini əldə etməyə imkan verən yeni pilot funksiyanı işə salıb.