Dövlət Miqrasiya Xidmətinin rəisi Vüsal Hüseynov vətəndaşların suallarını cavablandıracaq. O bu barədə öz feysbuk səhifəsində paylaşım edib.
"Operativ Media"nın xəbərinə görə, paylaşımda deyilir:
"Qısa müddət ərzində nisbətən uzun müddət cavabsız qalan mesaj və şərhləri cavablandıracam, baxılmamış qalan məsələlərə fikrimi bildirəcəm. Bununla belə Dövlət Miqrasiya Xidmətinin fəaliyyəti və ümumən miqrasiya xidmətlərilə bağlı əlavə sual, irad, təklif, narahatlıq və ya eşitdiyiniz, rastlaşdığınız çətinliklər barədə mesaj və ya şərh bölməsinə yaza bilərsiz".
