Finlandiya və ABŞ arasında müdafiə sahəsində əməkdaşlıq sazişi üzrə danışıqlar yekunlaşmaq üzrədir. 

"Operativ Media" xəbər verir ki, bu barədə "Helsingin Sanomat" qəzeti mənbələrinə istinadən məlumat yayıb.

Məlumata görə, saziş bu həftə imzalana bilər. Qəzet qeyd edir ki, danışıqlar bazar ertəsi və çərşənbə axşamına planlaşdırılıb.

Söhbət Müdafiə sahəsində əməkdaşlıq haqqında Sazişdən gedir. Qəzet yazır ki, sözügedən müqavilənin məqsədi ABŞ Silahlı Qüvvələrinə Finlandiya ərazisindən və müəyyən razılaşdırılmış ərazilərdən normal hərbi təlimlər zamanı olduğundan daha uzun müddət istifadə etmək imkanı verməkdir.