BMT-nin Yaxın Şərqdə həlak olan əməkdaşlatının sayı 67-yə çatıb

Yaxın Şərqdə münaqişənin alovlanmasından sonra Birləşmiş Millətlər Təşkilatının Yaxın Şərqdə üzrə Fələstinli Qaçqınlara Yardım və İşlər üzrə Agentliyinin (UNRWA) ən azı 67 əməkdaşı Qəzza zolağında həlak olub.

"Operativ Media" xəbər verir ki, bu barədə UNRWA məlumat yayıb.

"Son 24 saat ərzində davam edən hava hücumları nəticəsində UNRWA-nın üç əməkdaşı ailələri ilə birlikdə evlərində olarkən həlak olub və həlak olan UNRWA əməkdaşlarının ümumi sayı oktyabrın 7-dən bu yana 67 nəfərə çatıb", - deyə agentliyin saytında dərc olunmuş bəyanatda bildirilir.