Moldova Rusiyadakı səfirlik işçilərinin sayını azaltmağı planlaşdırır

"Moldova hakimiyyəti Rusiyadakı səfirliklərində çalışanların sayını 5 nəfər azaltmağı planlaşdırır". 

"Operativ Media" xəbər verir ki, bu barədə Moldova Xarici İşlər Nazirliyi məlumat yayıb.

Məlumata görə, bu barədə qanun layihəsinə ictimai müzakirələrdə baxılacaq.

Qanun layihəsi Moldovanın Rusiyadakı səfirliyinin işçilərinin sayının 18-dən 13-ə endirilməsini təklif edir. İxtisara MDB İqtisadi Məsələlər Komissiyasında səlahiyyətli nümayəndənin müşaviri, ikinci katibi, nazir-müşaviri, ticarət-iqtisadi xidmətin ikinci katibi və maliyyə və inzibati xidmətin mühasib-kassiri daxildir.