KİV: Pakistanda tayfalar arasında baş verən toqquşmalarda 9 nəfər ölüb

Pakistanın şimal-qərbində yerləşən Kurram vilayətində son 24 saat ərzində rəqib qəbilələr arasında baş verən silahlı toqquşmalarda azı 9 nəfər ölüb, 14 nəfər yaralanıb.

"Operativ Media" xəbər verir ki, bu barədə "News İnternational" məlumat yayıb. 

Qeyd edilib ki, toqquşmalar torpaq mübahisələri və dini məsələlərdə fikir ayrılıqları zəminində baş verib. Üzvlər tayfa ağsaqqallarının atəşkəslə bağlı razılığa gəlməsinə baxmayaraq, oktyabrın 24-dən bu yana dayanmırlar. Kurrama yerləşdirilən ordu birləşmələri bölgədəki vəziyyəti tam nəzarətə götürə bilmir.

Ərazidə gərginlik qalmaqdadır. Artıq bir həftədir ki, bölgənin bir neçə ərazisində elektrik enerjisi kəsilib, internet kəsilib, avtomobillərin hərəkəti dayandırılıb. Əhalinin məskunlaşdığı yerlərdə ərzaq, dərman və ilkin tələbat mallarının çatışmazlığı getdikcə artır.