Kanada və G7 ölkələri Ukrayna üçün təhlükəsizlik zəmanətləri yaratmağa çalışır

"Kanada hakimiyyət orqanları Ukrayna üçün uzunmüddətli təhlükəsizlik zəmanətləri hazırlamaq üçün Yeddilik Qrupu (G7) ölkələri ilə işləyir".

"Operativ Media" xəbər verir ki, bunu Kanadanın xarici işlər naziri Melani Coli Monrealda keçirilən diplomatik konfransda deyib. 

"Mən və komandam Ukrayna üçün uzunmüddətli təhlükəsizlik təminatları yaratmaq üçün çox çalışdıq. Biz G7 ölkələrini bu konsepsiyanı dəstəkləməyə dəvət etdik", - nazir qeyd edib.

Onun sözlərinə görə, Ottava hər bir ölkəni Kiyevi təkcə Rusiya ilə münaqişə zamanı deyil, həm də ukraynalılar danışıqlar masası arxasına əyləşəndə dəstəkləmək üçün uzunmüddətli öhdəliklər götürməyə dəvət edir: "Rusiya yaxın və təhlükəli qonşu olaraq qalır, ona görə də Ukrayna uzunmüddətli perspektivdə onları dəstəkləmək üçün G7 ölkələrinə və Avropa qonşularına güvənməli olacaq", - Coli bildirib.