İsrail ordusu: Qəzza şəhəri mühasirəyə alınıb

"İsrail hərbçiləri artıq birbaşa Qəzza şəhərinin ərazisindədir və onu müxtəlif tərəflərdən mühasirəyə alır". 

"Operativ Media" xəbər verir ki, bu barədə jurnalistlərə İsrail Müdafiə Qüvvələrinin Baş Qərargah rəisi Herzi Halevi məlumat verib.

"Əsgərlərimiz artıq Qəzza şəhərindədir, onu bir neçə istiqamətdən mühasirəyə alırlar və mən necə irəliləyiş əldə etdiyimizi görürəm. Biz çox çətin vəziyyətdə, sıx məskunlaşılmış ərazidə döyüşmək məcburiyyətindəyik", - H.Halevi qeyd edib.