Konqresmen Baydenin impiçmenti ilə bağlı qərarın tezliklə veriləcəyini deyib

"ABŞ prezidenti Co Baydenə impiçment tətbiq edilib-edilməməsi ilə bağlı qərar tezliklə veriləcək". 

"Operativ Media" xəbər verir ki, bu barədə ABŞ Konqresinin Nümayəndələr Palatasının spikeri Mayk Conson məlumat verib.

O, mətbuat konfransında impiçment prosesinə başlamaq üçün kifayət qədər dəlilin olub-olmaması ilə bağlı sualı cavablandırıb: "İnanıram ki, bu məsələ ilə bağlı qərara tezliklə gələcəyik".

Conson əlavə edib ki, qərar dəlilin nə olduğundan asılı olaraq veriləcək: "Görəcəyik, mən bu gün qərar gözləməyəcəyəm".