“Apple”ın yenilənməsi “iPhone”larda problemə səbəb olur

“Apple”ın iOS 17.1.1 yeniləməsi bir neçə nəsil iPhone-larda müəyyən funksiyalar üçün problem yaradır.

İstifadəçilərin şikayətlərinə görə, problem  istifadəçinin “Tətbiqlər Kitabxanası”nda axtarış açdıqda və barmağını ekranda tutaraq oradan çıxdıqda baş verir. Eyni bölməyə qayıtdığınız zaman smartfon ekrana toxunmaq və ya düymələrə basmaq da daxil olmaqla istənilən hərəkətə cavab verməyi tamamilə dayandırır. Bu, iPhone-un kilidini açmaq, söndürmək və ya hər hansı bir məqsəd üçün istifadəsini qeyri-mümkün edir.

Səhv müxtəlif iPhone modellərinə, o cümlədən ən son iPhone 15-ə də təsir edir. Hazırda cihazı yenidən işə salmağın yeganə yolu “Güc” düyməsini basıb “Səs” səviyyəsi düymələrini ardıcıl olaraq basaraq yenidən işə salmaqdır.

“Apple” hələ vəziyyətlə bağlı şərh verməyib və ya səhvi düzəltmək üçün başqa bir yeniləmə buraxmağı planlaşdırdığını elan edib. Hələ ki, iOS 17.1.1-i quraşdırmamış istifadəçilərə vəziyyətlər aydınlaşana qədər yeniləməni təxirə salmaq tövsiyə olunur.