http://operativmedia.az/frontend/img/svg/proqnozu.svg
Bakı 18 ° C

Milli Məclis Ermənistan parlamentinin spikerinə cavab verib

28 Noyabr 2023 , 18:15
Milli Məclis Ermənistan parlamentinin spikerinə cavab verib

Azərbaycan Respublikası Milli Məclisinin Ermənistan parlamentinin spikeri Alen Simonyanın 2023-cü il 28 noyabr tarixli açıqlamasına münasibət bildirib.

"Operativ Media"nın xəbərinə görə, Milli Məclisin yaydığı məlumatda bildirilir ki, Ermənistan parlamentinin spikeri Alen Simonyan noyabrın 28-də jurnalistlərə açıqlamasında növbəti dəfə regionda mövcud olan reallıqları təhrif edərək, həqiqətdən uzaq fikirlər səsləndirib:

"Ermənistan parlamenti spikerinin bu müsahibəsi Ermənistan rəhbərliyinin “absurd iddialar” növbəsinə dayandığını aşkar şəkildə göstərməklə yanaşı, xarici havadarlarının gözünə girmək uğrunda yarışdığına da dəlalət edir. Son səsləndirilən fikirlərə başqa cür izahat vermək mümkün deyil.

Simonyan Ermənistan tərəfindən Azərbaycanın beynəlxalq səviyyədə tanınmış ərazilərinin 30 illik işğalı faktını yaddaşlardan silmək və Ermənistan tarixinin bu qara ləkəsini beynəlxalq ictimaiyyətin gündəmindən çıxarmaq “arzusunu” gələcəyə baxış adı altında pərdələməyə çalışır.

Yaxşı olardı ki, Simonyan Ermənistanın etnik təmizləmə siyasəti nəticəsində 1 milyondan artıq azərbaycanlının öz doğma torpaqlarından qaçqın və məcburi köçkün düşməsinə, Xocalı soyqırımının törədilməsinə, işğal dövründə 9 şəhər və yüzlərlə kəndin darmadağın edilməsinə görə üzr istəyərək, gələcək haqda danışmağa başlasın. Təəssüf ki, bu baş verməyəcək.

İşğal olunmuş torpaqlarda və Ermənistan ərazisində azərbaycanlılara məxsus yüzlərlə tarixi, mədəni və dini abidələri yerlə-yeksan edən, abidələrin və yaşayış yerlərinin adlarını dəyişərək, saxta tarix yazan monoetnik Ermənistanın parlamentinin spikerinin müxtəlif etnik qrupların mehriban və dinc şəkildə birgə yaşadığı, tarixi və mədəni irsinin dövlət səviyyəsində mühafizə edildiyi Azərbaycanı öz arşını ilə ölçməsi, əslində onun həqiqi simasını ifşa edir.

Simonyanın Qazax rayonunun 7 kəndinin və Kərkinin hələ də Ermənistanın işğalı altında qalmasına primitiv düşüncə tərzi ilə hüquqi don geyindirməyə çalışması, əksinə, Azərbaycanı işğalda ittiham etməsi isə xəstə təfəkkürün təzahüründən başqa bir şey deyil.

Ermənistan rəhbərliyinin “Azərbaycanın müharibəyə hazırlaşması”, “sülh danışıqlarından imtina etməsi” kimi beynəlxalq ictimaiyyəti aldatmağa yönəlik yalanları təkrarlamağa nə dərəcədə alışdığı artıq bir faktdır. Simonyana bir daha xatırlatmaq istərdik ki, məhz Azərbaycan 44 günlük Vətən müharibəsindən sonra beynəlxalq hüququn prinsipləri əsasında Ermənistanla sülh müqaviləsinin imzalanması təşəbbüsü ilə çıxış edib. Ötən 3 il ərzində Ermənistan öz siyasi və hərbi təxribatları ilə sülh prosesini əngəlləməyə çalışıb. Hazırda regionda uzunmüddətli sülhün bərqərar olması üçün tarixi şans yaranıb. Azərbaycan hər iki ölkənin ərazi bütövlüyünün və suverenliyinin tanınması əsasında Ermənistanla sülhə hazır olduğunu dəfələrlə bəyan edib. Belə bir məqamda isə Ermənistan sülh müqaviləsinin mətni üzrə Azərbaycanın təkliflərinə cavabını uzun müddət gecikdirməklə, danışıqlar prosesini uzatmağa çalışır.

Bir daha qeyd edirik ki, Azərbaycan regionda davamlı sülhün tərəfdarıdır və Ermənistanla münasibətlərin normallaşdırılmasını, sülh müqaviləsinin imzalanmasını dəstəkləyir. Biz inanırıq ki, sülh müqaviləsinin imzalanması üçün hazırda geniş imkanlar vardır. Ona görə də, Ermənistan tərəfini bu cür təxribatçı və həqiqətdən uzaq bəyanatlar səsləndirməkdən çəkinməyə və sülhə töhfə verməyə çağırırıq".

OXŞAR XƏBƏRLƏR
MN: Ermənistanın dezinformasiya maşını fəaliyyətini davam etdirir

MN: Ermənistanın dezinformasiya maşını fəaliyyətini davam etdirir

Ceyhun Bayramov Almaniyanın XİN başçısı ilə Azərbaycan-Ermənistan normallaşma prosesini müzakirə edib - YENİLƏNİB

Ceyhun Bayramov Almaniyanın XİN başçısı ilə Azərbaycan-Ermənistan normallaşma prosesini müzakirə edib - YENİLƏNİB

Ceyhun Bayramov və Mirzoyanın Berlindəki görüşü üçtərəfli formatda davam edir

Ceyhun Bayramov və Mirzoyanın Berlindəki görüşü üçtərəfli formatda davam edir

XƏBƏR LENTİ
  • 23:08

    Dövlət Departamenti: Dnestryanıdakı vəziyyəti izləyirik
  • 22:54

    Şolts: NATO Ukraynadakı münaqişənin tərəfi deyil və olmayacaq
  • 22:40

    KİV: HƏMAS və İsrail Qəzzaya humanitar yardım barədə razılığa gəliblər
  • 22:26

    Qarabağ Universitetində ilk vakansiya elan edilib
    Qarabağ Universitetində ilk vakansiya elan edilib
  • 22:19

    Belçika Ukraynaya 200 milyon avro dəyərində hərbi yardım edəcək
  • 22:04

    Berbok: Azərbaycan və Ermənistan arasında sülhün bərqərar olması mümkündür
    Berbok: Azərbaycan və Ermənistan arasında sülhün bərqərar olması mümkündür
  • 21:55

    İsrailin Eurovision-a təqdim etdiyi ikinci mahnı da rədd edilib
  • 21:40

    KİV: Çadda bir qrup əsgər çevriliş üçün prezident sarayına doğru irəliləyir
    KİV: Çadda bir qrup əsgər çevriliş üçün prezident sarayına doğru irəliləyir
Menyu