Türkiyədə öldürülən rusiyalı qadın və qızı ilə bağlı təfərrüatlar məlum olub - YENİLƏNİB
Türkiyədə öldürülən rusiyalı qadın və qızı ilə bağlı bəzi təfərrüatlar məlum olub.
Belə ki, rusiyalı qadın İrina Dvizova keçmiş əri Andrey Kuşleviçi valideynlik hüququndan məhrum etməyə çalışıb.
"Operativ Media" xəbər verir ki, bu barədə RİA məlumat yayıb.
Türkiyə televiziya kanallarının məlumatına görə, İrina Dvizova və qızının cəsədləri yaşadıqları Türkiyənin Bodrum kurort bölgəsində çarşaflara bükülmüş və kəndirlə bağlanmış vəziyyətdə tapılıb.
Qətli törətməkdə şübhəli bilinən litvalı Andrey Kuşlev Rusiya Federasiyasında axtarışa verilib.
***
10:58
Türkiyənin Bodrum kurortunda rusiyalı qadın və qızının meyiti tapılıb.
"Operativ Media" xəbər verir ki, bu barədə “Habertürk ” telekanalı məlumat yayıb.
Məlumata görə, çarşaflara bükülmüş cəsədlər yol kənarındakı sıldırım yamacda, bir-birindən üç metr aralıda tapılıb.
Qətli törətməkdə şüphəli şəxs qadının əridir. Faktla bağlı araşdırma aparılır.
