İcma: “Avropa Sülh Fondu” adı altında Ermənistana silah verilməsi kinayə və istehza doğurur

Qərbi Azərbaycan İcması Avropa İttifaqının “Avropa Sülh Fondu” çərçivəsində Ermənistana hərbi yardım göstərəcəyi ilə bağlı xəbərlərə münasibət bildirib.

"Operativ Media" xəbər verir ki, İcmanın bəyanatında deyilir:

“Avropa Sülh Fondu” adı altında Ermənistana silah verilməsi kinayə və istehza doğurur. Qərbi Azərbaycan İcması hesab edir ki, Fransanın ardınca Avropa İttifaqının Ermənistanı silahlandırması olduqca yanlış və təhlükəli addımdır və regionda gərginliyin artmasına, Ermənistanda revanşizmin güclənməsinə xidmət edir.

Avropa İttifaqı Ermənistanın silahlandırılması, Cənubi Qafqaz regionuna geosiyasi rəqabətin gətirilməsi siyasətinə son qoymalıdır.