Yaqub Zurufçunun "Dəniz" mahnısının yeni versiyası sosial media platformalarından silinib

Bir neçə gün əvvəl gənc ifaçı Zaur Quluzadə mərhum Əməkdar artist Yaqub Zurufçunun "Dəniz" mahnısının yenilənmiş versiyasını öz sosial media platformalarında yayımlayıb.

"Operativ Media" xəbər verir ki, "Tiktok" gündəminə düşən yeni ifa çox keçmədən "YouTube"da da trendə yüksəlib.

Lakin mahnı və klip çox keçmədən ifaçının sosial media hesablarından silinib.

Zaur Quluzadə açıqlama yayaraq bildirib ki, mahnının silinməsinə səbəb mərhum sənətkar Yaqub Zurufçunun həyat yoldaşının tələbi olub.