Argentina Ukraynadakı münaqişə tərəflərini dialoqa və gərginliyi azaltmağa çağırıb

Argentina hökuməti Ukraynadakı münaqişə tərəflərini dialoq yolu ilə deeskalasiyaya nail olmağa çağırır.

"Operativ Media" xəbər verir ki, bu barədə Cənubi Amerika ölkəsinin Xarici İşlər Nazirliyinin bəyanatında deyilir.

"Argentina hökuməti bir daha tərəfləri münaqişənin gərginliyini azaltmağa çağırır. Biz əminik ki, diplomatiya və dialoq daha çox əziyyət çəkməmək və ədalətli və davamlı həll yolu tapmaq üçün yeganə yoldur. Bu baxımdan biz BMT-nin səylərini dəstəkləyirik", - bəyanatda deyilir.

Eyni zamanda Rusiyanın hərəkətləri pislənib.