KİV: HƏMAS vasitəçilərin girovları dəyişdirmək təklifinə "yaxın saatlarda" cavab verəcək

HƏMAS hərəkatı "yaxın saatlarda" məhbusların mübadiləsi üçün vasitəçilərin təklif etdiyi razılaşmaya cavab verəcək. 

"Operativ Media" xəbər verir ki, bu barədə şənbə günü Səudiyyə Ərəbistanının "Əl Ərəbiyyə" telekanalı məlumat yayıb.

Onun sözlərinə görə, HƏMAS nümayəndə heyəti Misirdə vasitəçilərlə görüş keçirərək azad edilməsi gözlənilən girovların siyahısını hazırlayacaq.

Bundan əvvəl bildirilmişdi ki, HƏMAS və İsrail nümayəndələri martın 3-də Misirin paytaxtına gələcəklər, burada Qəzza zolağında atəşkəsə nail olmaq və girovların fələstinli məhbuslarla mübadiləsinə dair sazişin parametrlərini müəyyən etmək üçün çoxtərəfli danışıqlar davam etdiriləcək.