İsrail Rusiyaya qarşı daha aqressiv mövqe tutacağını bəyan edib

İsrail hakimiyyəti Ukraynadakı hava hücumundan müdafiə sistemi ilə bağlı Rusiyaya qarşı daha aqressiv mövqe tutmaq niyyətindədir.

"Operativ Media" xəbər verir ki, bunu İsrailin hakim Likud partiyasının libertar qanadının lideri Əmir Veytmann "Business Insider"ə müsahibəsində bildirib. 

O, İsrailin BMT-dəki daimi nümayəndəsi Gilad Erdanın bazar ertəsi İsrailin Ukraynaya raket zərbələri və dron hücumları üçün erkən xəbərdarlıq sistemlərinin ötürülməsi üzərində işlədiyini söyləyən sözlərini şərh edib: "İsrail Rusiyaya qarşı daha aqressiv mövqe tutacaq".

O, Fələstin-İsrail münaqişəsinin kəskinləşməsinə işarə edərək, Rusiyanı İsraildə baş verənlərə ciddi şəkildə qarışmaqda ittiham edib. Veytmann əlavə edib: "Rusiyanın müdaxiləsinin hansı səviyyədə olduğu aydın deyil". Bununla belə, o hesab edir ki, raket zərbələri üçün erkən xəbərdarlıq sistemlərinin ötürülməsi İsrailin Ukrayna ilə bağlı öhdəliyinin "yalnız başlanğıcıdır". 

Bundan əvvəl Rusiya Federasiyasının BMT-dəki daimi nümayəndəsinin birinci müavini Dmitri Polyanski bildirib ki, İsrail və Ukrayna insanlığa və beynəlxalq humanitar hüquqa qarşı mübarizə aparır. Rusiyalı diplomat Rusiyanın Ukraynadakı hərəkətlərini HƏMAS-ın İsrailə hücumu ilə müqayisə edən Erdanın sözlərini də cəfəngiyyat adlandırıb.