"İzvestiya": Rusiya FSB-nin xüsusi təyinatlıları İnquşetiyada 6 terrorçunu məhv edib

Rusiya FSB-nin xüsusi təyinatlıları İnquşetiyada keçirdiyi xüsusi əməliyyat nəticəsində 6 terrorçunu məhv edib.

"Operativ Media" xəbər verir ki, bu barədə "İzvestiya" hüquq-mühafizə orqanlarındakı mənbəsinə istinadən məlumat yayıb. 

Mülki əhali və təhlükəsizlik qüvvələri arasında itkilərin olmadığı qeyd edilir.

"Mənbələrimizə görə, terrorçuların zərərsizləşdirilməsi xaricdən idarə olunan terrorçuların gizli fəaliyyətini aşkar edən operativ xidmətin genişmiqyaslı işinin nəticəsidir", - "İzvestiya" yazır.

Bundan əvvəl "RİA Novosti" İnquşiyanın Karabulak şəhərində hüquq-mühafizə orqanlarının əməkdaşları ilə silahlılar arasında gedən döyüşlər barədə məlumat yayıb.

Məlum olub ki, terror aktlarının və terror xarakterli cinayətlərin qarşısının alınması məqsədilə Karabulakda antiterror əməliyyatı rejimi yaradılıb.