Pakistanda təbii fəlakətlər nəticəsində azı 29 nəfər ölüb, onlarla insan yaralanıb

"Son 48 saat ərzində ölkədə yağan güclü yağışlar nəticəsində ən azı 29 nəfər ölüb, 50 nəfər yaralanıb, nəticədə bir neçə ev uçub və torpaq sürüşmələri nəticəsində, xüsusən də, şimal-qərbdə yollar bağlanıb".

"Operativ Media" xəbər verir ki, bu barədə Pakistan rəsmiləri bildiriblər.

Qeyd edilib ki, təbii fəlakətlər Pakistana güclü qar yağması fonunda baş verib.

Əfqanıstanla həmsərhəd olan Hayber Paxtunxva əyalətinin müxtəlif rayonlarında cümə axşamından yağan yağışlar nəticəsində 23 nəfər həlak olub.

Bəlucistan əyalətinin cənub-qərbində, sahilyanı Qvadar şəhərində daşqın nəticəsində 5 nəfər həlak olub.

Milli Fəlakətlərin İdarə Edilməsi Təşkilatının açıqlamasında Pakistanın idarə etdiyi Kəşmirdə də tələfat və dağıntıların olduğu bildirilir.

Agentlik əlavə edib ki, zərər çəkmiş ərazilərdə insanlara təcili yardım göstərilir və magistral yolların təmizlənməsi üçün ağır texnikadan istifadə edilir.