Litva: NATO-nun Vilnüs sammitinin bütün bəyannamələri qüvvəyə minməyib

NATO-nun 2023-cü ilin yayında Vilnüsdə keçirilən sammitində qəbul edilən bəyannamələrin heç də hamısı icra mərhələsində deyil. 

"Operativ Media" xəbər verir ki, bunu Litva prezidenti Gitanas Nauseda deyib.

"NATO bəyannamələri yalnız praktikada həyata keçirildikdə çəkindirmə vasitəsi kimi işləyir", - Litva lideri açıqlamasında bildirib.

Alyansın praktiki olaraq reallaşdırılmamış və ya çox ləng həyata keçirilən bəyanatları arasında o, Litva üçün rotasiya hava hücumundan müdafiə sisteminin təşkili planını qeyd edib: "Biz onu mümkün qədər tez formalaşdırmağa başlamalıyıq. Yaya qədər biz köklü dəyişikliyə nail olmalıyıq".