Çin 2026-cı ilə qədər 4 və 5 metr diametrli daşıyıcı raketlər istehsal edəcək

Çin Aerokosmik Elm və Texnologiya Korporasiyası (CASC) 4 və 5 metr diametrli təkrar istifadə edilə bilən daşıyıcı raketlərin hazırlanmasını sürətləndirir.

"Operativ Media" xəbər verir ki, bu barədə CASC məlumat yayıb.

CASC-nin baş dizayneri Rong Yi bildirib ki, yeni modellərin ilk buraxılışlarının 2025 və 2026-cı illərdə planlaşdırılıb.

Bu raketlər Çinin kosmik proqramının inkişafında mühüm addım olan sürətli təmir və təkrar istifadəyə imkan verəcək. Həmçinin qeyd edilib ki, şirkətin mütəxəssisləri yüksək səmərəli bərk yanacaq və təkrar istifadə edilə bilən oksigen-metan mühərrikləri üzərində işləyirlər.