Qarşıda duran vacib vəzifələrimizdən biri də Qərbi Azərbaycana qayıdış, Qarabağın və Şərqi Zəngəzurun təhlükəsiz zonaya çevrilməsidir.

"Operativ Media" xəbər verir ki, bu sözləri Ailə, Qadın və Uşaq Problemləri üzrə Dövlət Komitəsinin sədri Bahar Muradova 8 Mart - Beynəlxalq Qadınlar Günü münasibətilə keçirilən tədbirdə səsləndirib.

Komitə sədri son 30 ildən artıq bir dövr ərzində Azərbaycan qadınlarının hər mərhələdə qarşıda duran həlli vacib məsələlər ətrafında səfərbər olduqları kimi, bundan sonra da bu istiqamətdə fəal olacaqlarına inamını ifadə edib.

O vurğulayıb ki, qadınlarımızın ölkəmizin siyasi, iqtisadi, ekoloji gündəliyindəki vəzifələrin yerinə yetirilməsi istiqamətində öhdəliklərinə əsl vətəndaş məsuliyyəti ilə yanaşacaqları şübhəsizdir.