Şolts: Hərbi söhbətin sızması müttəfiqlərin Almaniyaya olan inamını sarsıtmayıb

Alman hərbçiləri arasında Krım körpüsünə hücum ssenarilərinin müzakirə olunduğu söhbətin sızdırılması tərəfdaşlarla münasibətləri çətinləşdirməyəcək.

"Operativ Media" xəbər verir ki, bunu Almaniya kansleri Olaf Şolts deyib.

"Mən tam əminəm ki, Almaniya ilə onun müttəfiqləri və dostları arasında etimad o qədər yüksəkdir ki, baş verənlər onu sarsıtmayacaq. Bu gün hökumətin iclasında bildirildi ki, əlaqə saxladığımız hər kəs bizə cavab verdi. Düşünürəm ki, biz buna arxalana bilərik", - kansler qeyd edib. O, Almaniyanın tərəfdaşlarının konkret olaraq nə cavab verdiyini açıqlamayıb.