BMT: İsrailin hərbi əməliyyatından qorxan fələstinlilər Rəfahı tərk edir

İsrailin tezliklə hərbi əməliyyata başlaya biləcəyi qorxusu ilə Rəfahda daha çox insan şəhəri tərk etməyə başlayır. 

"Operativ Media" xəbər verir ki, bu barədə jurnalistlər üçün keçirdiyi brifinqdə BMT-nin işğal olunmuş Fələstin ərazisi üzrə rezident əlaqələndiricisi Ceymi Makqoldrik məlumat verib.

"İnsanlar Rəfahı tərk etməyə başladılar. Onlar hərbi işğal ola biləcəyindən qorxurlar. İnsanların hara gedə biləcəyi ilə bağlı asan həll yolları yoxdur və açıq-aydın biz onların ehtiyaclarını ödəməkdə çətinlik çəkirik", - diplomat qeyd edib.