"Hyundai" üç il ərzində Cənubi Koreyada istehsala 50 milyard dollar sərmayə qoyacaq

Yaxın üç ildə "Hyandai Motor Corporation" Cənubi Koreyadakı istehsalına 68 trilyon von (50,6 milyard dollar) investisiya qoymaq niyyətindədir .

"Operativ Media" xəbər verir ki, bu barədə Yonhap agentliyi şirkətin bəyanatına istinadən xəbər verir.

Məlumata görə, bu məbləğin yarıdan çoxu yeni tədqiqat və təcrübələrə, eləcə də infrastrukturun inkişafına və elektromobillərin konveyer xətlərinin yaradılmasına sərf olunacaq. Qalan vəsait isə elektrik avtomobilləri üçün proqram təminatının hazırlanmasına və akkumulyator istehsalına yatırılacaq. Şirkətin məlumatına görə, bu investisiyalar əlavə 80 min işçinin işə götürülməsinə imkan verəcək.

Hyundai 2030-cu ilə qədər Cənubi Koreyada elektrik avtomobillərinin istehsalını ildə 1,5 milyon ədədə çatdırmağı qarşısına məqsəd qoyub. Bu vaxta qədər konserni elektromobillərin çeşidini 31 modelə qədər genişləndirmək niyyətindədir.