Alen Simonyan: "Hər kəs həmin kəndlərin Azərbaycana məxsus olduğunu çox gözəl bilir"

"Kəndləri təhvil verməsək, Azərbaycanın hücuma keçəcəyini istisna etmirəm. Təbii ki, bu məntiqlə çıxış etmək olmaz. İndi bizi tənqid edən adamlar var, deyirlər, torpaq veririk. Lakin sərhəddə yaşayan sakinlər özləri hər qarış torpağın kimə məxsus olduğunu çox gözəl bilirlər. Məsələn, bu kəndlərin bizə məxsus olduğunu deyənlər var, mən bunu sübut edə biləcək adamlar axtarıram".

"Operativ Media" "Tert.am" saytına istinadən xəbər verir ki, bu sözləri Ermənistan Parlamentinin spikeri Alen Simonyan bildirib.

"O kəndlərə yaxın yaşayanlar da, Robert Köçəryan da, Serj Sargisyan da və bütün Ermənistan səlahiyyətliləri bilirlər ki, o kəndlər Azərbaycanın olub. Bu yeni bir bilgi deyil. Biz o vaxt Gürcüstana gedəndə də həmin əraziyə baxıb deyirdik, bura Azərbaycandır"-deyə o qeyd edib.