Çin öz vətəndaşlarına ABŞ-a səyahət etmələri barədə xəbərdarlıq edib

Çin ABŞ-a səfər edəcək vətəndaşlarına gözlənilməz vəziyyətlərə hazır olmaları barədə xəbərdarlıq edib.

"Operativ Media" xəbər verir ki, bu barədə Çin Xarici İşlər Nazirliyindən məlumat verilib.

Məlumatda bəzi çinli tələbələrin və şirkət işçilərinin son vaxtlar ABŞ-dakı hava limanlarında ppolis tərəfindən qeyri-qanuni sorğu-sual və təqiblərlə qarşılaşdıqları xatırladılıb.

Bildirilib ki, Çin vətəndaşlarının baqajlarında olan telefon, kompüter və digər əşyaların bir-bir yoxlanılıb və bəzilərinin ölkəyə girişinin qadağan edilib, ABŞ-a səfər edənlərin də oxşar hallarla rastlaşa biləcəyi qeyd olunub.

Bəyanatda qeyd olunub ki, Çin Xarici İşlər Nazirliyi, Vaşinqton səfirliyi və ölkədəki konsulluqlar bu məsələ ilə bağlı ABŞ hakimiyyətinə etiraz ediblər.