İsrail Hizbullahın hərbi kompleksinə hava zərbəsi endirib

İsrail Müdafiə Qüvvələri Livanda Hizbullaha məxsus hərbi kompleksə və digər üç infrastruktur obyektinə hücum edib.

"Operativ Media" xəbər verir ki, bu barədə ordunun mətbuat xidmətinin bəyanatında deyilir.

"Bu gecənin əvvəlində İDF-nin pilotsuz təyyarəsini vuran hücuma cavab olaraq, İDF döyüşçüləri Livanın Baalbek bölgəsindəki Hizbullah hava hücumundan müdafiə sisteminin bir hissəsi olan hərbi kompleksə və digər üç terror infrastruktur obyektinə zərbələr endiriblər", - məlumatda deyilir..

Ordunun mətbuat xidməti bildirib ki, İDF döyüşçüləri bir gün əvvəl Aita əş-Şab və Odaisa bölgələrində Hizbullah hərbi kompleksinə və digər infrastruktur obyektlərinə də zərbələr endiriblər. Bundan əlavə, İsrail artilleriyası Yater bölgəsinə zərbələr endirib.