BMT-nin baş katibi Antonio Quterreş Ekvador polisinin Meksika səfirliyinə basqın etməsindən narahatlığını bildirib və hər iki ölkəni bütün fikir ayrılıqlarını sülh yolu ilə həll etməyə çağırıb.

"Operativ Media" xəbər verir ki, bu barədə dünya təşkilatının rəhbərinin rəsmi nümayəndəsi Stefan Düjarrikin şənbə günü yaydığı bəyanatda deyilir.

Bəyanatda qeyd edilir: "Baş katib Ekvador təhlükəsizlik qüvvələrinin Meksikanın Quitodakı səfirliyinə məcburi daxil olmasından narahatdır. Baş katib təmkinli olmağa və hər iki hökuməti fikir ayrılıqlarını sülh yolu ilə həll etməyə çağırır”.

Bundan əlavə, bəyanatda bildirilir ki, Quterreş diplomatik obyektlərin və işçilərin toxunulmazlığı prinsipini xatırladıb: "Baş katib vurğulayır ki, bu prinsipin pozulması normal beynəlxalq münasibətlərin aparılmasını təhlükə altına qoyur və bu, ölkələr arasında əməkdaşlıq üçün son dərəcə vacibdir".